വിലാപം
നീ ഗർവോടെ ആഞ്ഞു ചവിട്ടി ഒന്ന് മുരണ്ടു
ചുവന്ന കണ്ണിൽ ആജ്ഞ
ഒരു മുറിവിന്റെ പത്തി ചൂടി
എന്റെ ചുമലിൽ ആടിയിരുന്നു
ശിരസ്സിൽ വിലാസ്സവതിയായി ദേവി
ചുവന്ന പട്ടിൽ തിളങ്ങി
വെഞ്ചാമരം ,മുത്തുകുട, ആലവട്ടം
ഉയര്ന്നു നില്ക്കാൻ അലങ്കാരങ്ങൾ
പിന്കാലിൽ ചൂഴ്ന്നു പഴുത്ത
പോട്
ഇരുകാൽ ചുറ്റിയ ചങ്ങല
ചുറ്റും ശബ്ദഭേരി
സ്ഫോടനങ്ങൾ
തിങ്ങി നിറയും ആരാധകവൃന്ദം
ഫ്ലെക്സ് ചിത്രങ്ങൾ ചരിത്രം പദവികൾ ...പുല്ല്
തലയുയർത്തി കരയാൻ
ഇല്ല ..കണ്ണുനീർ ബാക്കിയില്ല
ഉളളിൽ ഒരു പച്ച കാടിന്റെ ചിത്രം
ചിതലരിക്കുന്നു ..
രക്ഷിക്കാൻ ആരുടെ ചുമലിലാണ്
എന്റെ ദൈവം വരുന്നത്
